La sektora iriso-ektomio estas forigo de supera sektoro de iriso. Tiu tekniko endas, en katarakto-kirurgio laŭ du kunaj cirkonstancoj : malampleksa dilatebleco kaj neceso permesi optikan atingon de retino (ekzemple kiam planendas tut-retina foto-koagulacio ĉe diabetulo). Mirige tiu fortranĉo de la irisa diafragmo ne estas funkcie kriplanta, dank' al normala ŝutro de supera palpebro, kiu krome kaŝas la estetikan aspekton.

En ĉi tiu kazo, temis pri intra-kapsula eltiro de katarakto, sen artefarita lenso (antaŭa ĉambro) ; sed ĉi tiu tipo de iriso-ektomio same konvenas kaze de ekstra-kapsula eltiro, ambaŭ mane kaj mekanike (katarakt-emulsi-igo), kun aŭ sen enplanto de intra-okula lenso. Laŭ supro de la iriso, videblas cikatro de kornea incizo, kiu desegnas maldikan blankan linion, kaj en la sektoro de iriso-ektomio, la reflekto de mia dikfingro, levanta la superan palpebron !