Tiu maljuna sinjoro malpeziĝinta kaj laca konsultis pro preskribo de okulvitroj post sia katarakta operacio. Ekzameno de okul-fundo permesis vidi efloreskon de blankaj makuloj dis-semitaj sur retino nomitaj "disorikaj tuberetoj" (oros signifas en greka "monto", do la vorto ŝajnas pleonasme) :

Ankaŭ nomita "kotonaj nodetoj", tiuj blankaj makuloj korespondas kun mikro-infarktoj kaŭzitaj de ŝtopiĝado de terminalaj arterioloj, almonte de kapilarioj. Multaj malsanoj povas kaŭzi tiun sindromon. Ĉi-kaze, temis pri malnova Waldenstrom malsano, iu kancero lante evoluanta, devenante de certa freneza klono de B-limfocitoj en osta medolo, kiu sen-regulade multobliĝas, sekreciante grandkvante imuno-globinon M (dika peza proteino) kiu enverŝiĝas en sangon, kies viskozeco altiĝas kaŭzante etajn ŝtopilojn.
Akcesore, vi rimarku mispremadon de vejnetoj far arterioloj, kaŭzita de arteriosklerozo.