Se mia paciento estas kuracita far perbuŝa (tablojdoj) beta-blokanto, sekve :
- mi komprenas, ke ŝajna "glaŭkomo je normala tensio" estas fakte glaŭkomo tiel kaŝita
- tiam mi povas preskribi beta-blokanton per kolirio kaze de glaŭkomo aŭ okula hiper-tensio, sen timi doz-troigon, despli ke 1 tablojdo de Timacor® entenas saman kvanton el timolol kiel 80 gutoj de kolirio timolol 0,25%.
Samvoje, se mia paciento portas kor-stimulilon, tiam kontraŭ-indiko "difekto de kor-kondukto" mal-estas.
Ĉar beta-blokantoj venditaj en Francio multnombras, eĉ tiuj, kiujn mi ne kutimas, mi preferas disponi sekvantan liston por ĉiutaga helpilo.
En maldekstra kolumno, blue skribitaj medikamentoj estas "komercaj nomoj", kies kemian ag-ilon vi konos per klako sur ili : ĝi afiŝiĝos ĉe supro de via ekrano. La kemiaj efik-iloj, verde skribitaj estas kor-celantaj. La kemiaj efik-iloj skribitaj ruĝe havas simpatan flankan agivon.
En dekstra kolumno, estas skribitaj komercaj produktoj kiuj entenas efik-ilon de apuda ĉelo.

Notu : kvankam mi ne kompletis tiun liston de 2020, ĝi restas interesa kaj uzebla. Se vi konas medikamenton entenanta beta-blokanton, kiu malestas en tiu listo, ne hezitu atentigi min pri ĝi : mi ĝin aldonos.

Beta-blokantaj kolirioj estas nombre ses, tri el ili estas uzataj nur en oftalmologio :

• beta-blokantaj kolirioj, kies efik-ilo ĉe-estas ankaŭ en perbuŝaj medikamentoj
   - betaxolol, kor-cel-iva, estas sole sed prudente preskribebla ĉe diskreta aŭ malfortega astmo, kaj ankaŭ kaze de Raynaud (Rejno) sindromo. Ĝi ne plu vendiĝas en Francio ekde 2017 nur pro komercaj kialoj
   - carteolol, kun simpata flanka ago, estas teorie evitenda ĉe migrena grundo
   - timolol estas unua beta-blokanto eniranta kolirion.

• beta-blokantaj kolirioj, kies efik-iloj estas uzataĵo nur en oftalmologio
   - befunolol (Bentos®)
   - levobunolol (Betagan®)
   - metipranolol (Betanol®).